Wahed al2ab Hra9 weldo hit ma ka i7melch lbka dialo

Wahed al2ab Dzayeri bla i7Sas hra9 weldou sguir bkewaya, 7it ga3 ma ka i9dar ista7mel lbka dialo, khela deri f wahed l7alla khatira.

Aljarida dial 'AL khabar', lbareh galt 3la ana al2ab (45 3am) ka iskoun f hay 'sidi 7arb' f lwilaya dial 3annaba (60 Km Chare9 dial al3asima) hra9 weldo sguir li mazal 3ando guir 3 mois b wahed lkewaya kant l7arara dialha fayeta 200°C chi 3 jours daba, o sabab galik makai9darch istahmel lbka dial drari seghar, o ljarida ne9lat 3la lwalida dial deri sguir li mskine t3adab lila kamela men 9sohit aljourouh li kanou fihe o en plus rajleha ma khelahach tedi deri l sbitar.

liv tyler : ka nkhaf men lmachahid dial l3ra

3tarfat lmomatila lmirikania 'Liv Taler', ana ka thanser f tmtil lmachahid dial l3ra f alaflam, wahia ka3 guir lfikra ka tkhla3ha. o 3la hsan 'Fox News' ayler galt lihoum : 'guir lfikra bach nbeyen chi partiate men ljasad diali stoune ka ikhla3, kifach tdir had stoune 9odam l3alam kamel ?'.
had lmomatila li f 3mrha 33 ans banet f chi la9atate f chkel f 1996 f film 'Stealing Beauty', o men dik sa3a ma b9atch ka tban f la9atate dial l3ra htal lfilm lakher dial 'The ledge' li ghadi ikhrouj had chhar f Merikan.
Guir bach t3arfo 'Liv Tyler' hia bent wahed lmodel khedama f majala dial playboy o bent lmoghani dial Aerosmith.

Iran ka tkdeb lkhbar dial chra dial chi bato men 3and charika isra2ilia

Nhar lhad Akkad wahed lms2oul Irani ana blado machart hta chi bato men 3and Israil 3la hsab ma galt Merikan, o bayen 3la anaho l9anoun dial Iran ka imna3 aye saf9A tijaria m3a Israel.
O zad ra2is dial ghorfat altijara wa sina3a wa almanajim bi ana had lkhbar guir l3ayba mdayerha lgharb bach itayeho b Iran. o hta howa gal lihoum bina l9anoun dial Iran mane3 aye itifa9ia m3a Israel.
Nhra mardi li daz kant lMerikan ferdat 3o9oubat 3la wahed charika men Israel fach tbeyen b inaha ba3et chi bato l wahed charika men Iran b 8.6 Millions Dollars o hagda had charika ka3 ma htarmet l3o9oubat lmdayerinha l Iran.

12000 Dollars lkol dzayeri bach irabho lMaghrib

wa3dat ljami3a dial lfoot dial ldzayer bach t3ti wahed lmokafa2a dial 12000 Dollars lkol l3ab dzayeri fhalet irabho lmontakhab dial lMarghrib, 3la hsab ljarida dial 'alchoro9' aljaza2iria lbareh men des sources fiable galt ana ra2is dial ljami3a dial dzayer dial foot wa3ed l3aba bach idouble lmokafa2a lihoum li weslat l 6000 dollars fach rebho lmaghrib f l'aller f 27 Mars, o ila t3adlo fakol l3ab ghadi iakhoud 6000 dollars.

Lmatch bin lmaghrib o ldzayer ghadi itl3ab f tiran jdid dial Merrakech nhar 4 Juin. ka3 lfra9i dial had lgroupe 3andhoum 4 points.